BMW i8 – අනාගත පරම්පරාවේ සිහින වාහනය කෝටි 11කට !

0
2121

BMW කියන්නේ ලොව පුරා අතිශය ජනප්‍රියත්වයට පත්වුණු මෝටර් රථ නාමයක්.  සිය නිෂ්පාදන වල උසස් බව නිසාම මෝටර් රථ වෙළඳපලේ හොඳ නාමයක් දිනාගන්නටත් BMW සමාගමට හැකි වුණා.

ඒ අතිවිශිෂ්ඨ මෝටර් රථ නිෂ්පාදන අතරට එක්වුනු අලුත්ම සාමාජිකවා තමයි BMW i8 කියන්නේ. බැලු බැල්මටම පෙනෙනවා ඇති නේද මේ මෝටර් රථයේ විශේෂත්වය.

පසුගිය දවසක ඇමරිකාවේදී පැවති විශේෂිත වෙන්දේසියකදී මේ BMW i8 මුල්ම මෝටර් රථ කිහිපය විකුණා දැමුනා. සාමාන්‍ය වෙළඳපල මිල මෙන් 6 ගුණයකටත් වැඩි මිලකට එහිදී මේ මෝටර් රථ වෙන්දේසි වුනා. එම වෙන්දේසිය වෙනුවෙන්ම විශේෂ වර්න සංයෝජන හා තාක්ෂණික උපක්‍රම යොදාගනිමින් නිමවා තිබූ BMW i8 මෝටර් රථය අලෙවි වුනේ ඇමරිකානු ඩොලර් 825 000කට යි. ඒ මුදල රුපියල් වලින් නම් කෝටි 11කට ආසන්න මුදලක්.

088_BMW_i8-new

කාබන් මිශ්‍ර ඇලුමිනියම් වලින් තනා අැති මෙහි හයිබ්‍රිඩ් එංජිමට තත්පර 4.4කදී පැයට කිලෝමීටර් 100ක දක්වා වේගයක් ලබාගත හැකියි. සිය ගණනක් වූ විවිධ ධාවන විධි අතුරින් ඔබ කැමති ධාවන ආකාරයට, වේගයෙන් හා පහසුවෙන් මේ මෝටර් රථය ධාවනය කරන්න ඔබට හැකියාව ලැබෙනවා. ඒ කියන්නේ එක් බටන් එකක් එබීමෙන් ඔබට තියුණු වේගවත් ධාවන විලාශයක සිට සුවපහසු ධාවන විලාශයකට මාරුවෙන්න පුළුවන්.

BMW-i8-Protonic-Blue-blau-Plug-in-Hybrid-Sportwagen-05

ඒ වගේම පරිසර හිතකාමී මෝටර් රථයක් ලෙසත් මේ නව මෝටර් රථය හඳුන්වන්න පුළුවන්. සාමාන්‍ය මෝටර් රථයක කාබන්ඩයොක්සයිඩ් විමෝඡන අනුපාතයට වඩා අඩු කාබන්ඩයොක්සයිඩ් ප්‍රමාණයකුයි මේ මෝටර් රථයෙන් විමෝචනය වන්නේ.

Four Wheel Drive වාහනයක් වන මෙහි ගියර් පද්ධති 2ක් සහිත අතර ඉලෙක්ට්‍රොනික මෝටර් 3ක්ද ඇතුලත්. මීට අමතරව විදුලි බලය සඳහා කිලෝග්‍රෑම් 200ක් පමණ වන ලිතියම් අයන් බැටරියක්ද ඇතුලත්.

BMW-i8-Interior-Blog-Review

BMW i8 මෝටර් රථය ලබන වසරේ දී වෙළඳපලට නිකුත්වීමට නියමිත වුවත්, සාමාන්‍ය වාහන මිලදීගන්නා පාරිභෝගිකයින් අතර මේ මෝටර් රථය කෙසේ ව්‍යාප්ත වේදැයි සිතන්නට නම් අපහසුයි.

bmw-i8-1-xl