නවතම One Plus 3 ජංගම දුරකථනය පිළිබඳව ඔබ දැනගත යුතුම දේවල්

, , Leave a comment

OnePlus 3 දුරකථනය ඊයේ දිනයේ නිල වශයෙන් හඳුන්වා දුන්නා. OnePlus One සහ One Plus Two දුරකථන මාදිලි පාරිභෝගිකයන් අතර ප්‍රචලිත වුනා. ඒ එම උපාංග වල තිබු උසස් නිෂ්පාදන තත්වය හේතු කොට ගෙනයි.


දුරකතනයේ සම්පූර්ණ පිරිවිතර විස්තරය පහතින්,

  • 5.5-inch screen
  • 1,920 x 1,080 pixel display (401ppi)
  • Dimensions: 152.7 x 74.7 x 7.4mm
  • Weight: 158 grams
  • Qualcomm Snapdragon 820 processor
  • Adreno 530 GPU
  • 6GB RAM
  • 64GB storage (32GB variant may be offered in some markets)
  • 16MP main camera
  • 8MP selfie camera
  • USB-C port (Dash Charge 5V/4A)
  • 3,000mAh battery
  • Fingerprint scanner
  • NFC
  • Dual-SIM
  • 3.5mm headphone jack
  • Oxygen OS (Android 6.0.1)

ONEPLUS 3 – DESIGN

One Plus 3 දුරකථනය බාහිරෙන් බොහෝ දුරට HTC One දුරකතනයට සමානකම් දක්වනවා.

OnePlus 2 හි පැවති fingerprint sensor එක එලෙසින්ම මෙහිත් දක්නට ලැබෙනවා. දුරකථනයේ ඉදිරිපස පෙනුමද OnePlus 2හි පෙනුමට බොහෝ සෙයින් සමානයි. Gorilla Glass 4 තිරයකින් සහ USB Type-C port එකකින් සමන්විතයි. Anodized aluminium unibody design එකක් මෙහි පවතින අතර පෙර මොඩලයට වඩා මටකුරු ස්වභාවයක් මෙහි දක්නට ලැබෙන්නේ එහි වක්‍ර වූ නිර්මාණය නිසාවෙනි. Graphite සහ Soft Gold යන වර්ණ දෙකෙන් වෙළඳපොලට පැමිණීමට නියමිතයි.

ONEPLUS 3 SPECS

OnePlus 3 දුරකථනය ගිගාබයිට් 6 ක RAM එකකින් සහ ගිගාබයිට් 64 ක ආචයන අවකාශයකින් යුතුයි. Processor එක පිළිබඳව අවධානය යොමු කලොත්, Galaxy S7 වැනි දුරකථන වල දක්නට ලැබෙන Qualcomm Snapdragon 820 චිපයකින් මෙය සමන්විතයි. ඒ වගේම ගිගාබයිට් 6 ක RAM එක සමඟින් සංයෝජනය වී මෙහි ක්‍රියාකාරිත්වය වේගවත් වනු ඇත. තිරය 1080p අඟල් 5.5ක් වන අතර ඒ සඳහා AMOLED තාක්ෂණය යොදා ගෙන තිබෙනවා.

ONEPLUS 3 – CAMERA

OnePlus 3 ස්මාර්ට් දුරකථනය මෙගා පික්සල් 16ක පසුපස කැමරාවකින් සහ මෙගා පික්සල් 8ක ඉදිරිපස කැමරාවකින් සමන්විත වෙනවා. එම අගය Galaxy S7 ට වඩා අඩුයි. නමුත් මෙගා පික්සල් අගය වැඩිවීම පමණක් සෑම විටම වඩා ඉහල තත්වයකින් යුතු ඡායාරූප ලබා ගැනීමකට උපකාරී වන්නේ නැහැ. මේ නවතම sensor එක optical image stabilisation (OIS) විශේෂාංගයෙනුත් සමන්විතයි. OnePlus 3 නිල වශයෙන් දියත් කිරීමේ උළලේදී දක්නට ලැබුණු ඡායාරූප සාම්පල පහතින්,

OnePlus ප්‍රධාන විධායක නිලධාරියා OnePlus 3 ඉදිරිපස කැමරාවෙන් ගත් සෙල්ෆි ඡායාරූපය,

 

ONEPLUS 3 SOFTWARE – ANDROID 6.0

OnePlus 3 හි ධාවනය වන්නේ Android 6.0.1 මෙහෙයුම් පද්ධතියයි. නමුත් Pure Android නම් නොවෙයි. එය Oxygen OS skin එක සමගිනුයි පැමිණෙන්නේ.

ONEPLUS 3 – BATTERY LIFE

OnePlus 2 දුරකථනය එක් වරක් ආරෝපනය කල විට දින එක හමාරක් පමණ භාවිතා කිරීමට හැකියි. ඒ එහි පවතින 3,300mAh බැටරිය නිසයි. OnePlus 3 සමඟ පැමිණෙන්නේ ඊට වඩා ටිකක් අඩු ධාරිතාවයකින් යුතු 3,000mAh ක බැටරියක්. නමුත් OnePlus 3 සමඟ QHD හෝ 4K පැනලයක් නොපැමිණෙන නිසා OnePlus 2හි බැටරි ආයු කාලයම පවතිනු ඇත.

 

Leave a Reply