දන්න සිංහලෙන් නොමිලේම තොරතුරු තාක්ෂණික දැනුම ලබා ගන්නට අවස්ථාවක්.

, , Leave a comment

අපේ ලිපි කියවන ඔබට Microsoft Virtual Academy කියන්නේ මොකක්ද කියලා අමුතුවෙන් කියන්න ඕන නැහැනේ. හැබැයි මෙහි සියලුම පාඨමාලාවන් ඉංග්‍රිසි භාෂාවෙන් පමණක් තිබුණු නිසා ඒවා ශ්‍රී ලාංකීය සිසුන් අතර ප්‍රචලිත වුනේ නැහැ. ඔන්න දැන් ඒ ගැටලුව මඟ හරින්නට Microsoft Sri Lanka සමාගම පියවර අරගෙන තිබෙනවා. ඒ Windows Geek හා එක්ව Microsoft Channel 9 හරහායි.

giphy

Channel 9 යනු Microsoft නිෂ්පාදන හා සේවාවන් සම්බන්ධ නව තොරතුරු හුවමාරු වන ප්‍රජා ජාලයකි. ලොව පුරා විවිධ භාෂාවලින් මෙහි තොරතුරු හුවමාරු වුව ද සිංහල භාෂාවෙන් මෙතෙක් කිසිදු තොරතුරක් Microsoft පාරිභෝගිකයන් වෙත Channel 9 හි ප්‍රකාෂයට පත්ව නොමැත.
මෙකී අඩුව මෙන්ම ශ්‍රී ලංකික අනාගත පරපුර තොරතුරු තාක්ෂණ දැනුමෙන් සවිබල ගැන්වීම මූලික අරමුණ ලෙස සලකා Microsoft ශ්‍රි ලංකා සමාගම හා Windows Geek එක්ව වීඩියෝ පාඨමාලා කිහිපයක් මේ වන විට Channel 9 ජාලයට මුදා හැර ඇත. මෙකී වීඩියෝ පාඨමාලා කිහිපයතුලින් තොරතුරු තාක්ෂණයේ ප්‍රබල අංශ කිහිපයක්ම ආවරණය කොට තිබීම ඉතාමත් පැසසුමට ලක් කල යුතු කාරණයකි.

ලෝක තොරතුරු තාක්ෂණය ඉතා වේගයෙන් ඉදිරියට ඇදෙමින් පැවති ද ශ්‍රී ලංකා විශ්ව විද්‍යාල පද්ධතිය මෙන්ම තොරතුරු තාක්ෂණයට අදාල අනෙකුත් අධ්‍යාපන ආයතනයන්හි මෙකී දැනුම යාවත් කාලීන වීම ඉතා ඉබි ගමනින් සිදුවීම ඉතාමත් කණගාටු දායක තත්වයකි. මෙවන් තත්වයක් උඩ ඉතා නැවුම් තොරතුරු තාක්ෂණික දැනුම සිංහල භාෂාවෙන් ශ්‍රී ලංකික ප්‍රජාවට ගෙන ඒමට Microsoft ශ්‍රි ලංකා සමාගම හා Windows Geek මහත් වෙහෙසක් දරා ඇති බව පෙනේ. නිකුත් කරන ලද වීඩියෝ පාඨමාලාවල අන්තර්ඝතයන් ඉතා ඉහල ගුණාත්ම භාවයකින් යුක්තය. ඉතා සරල අවධියේ සිට සංකීර්ණ අවධිය දක්වා මෙහි දැනුම පෙළ ගස්වා ඇත්තේ තොරතුරු තාක්ෂණය සම්බන්ධව අවබෝධයක් නැති අයෙකුට වුවුද ඉතා පහසුවෙන් මෙකී දැනුම අවබෝධ කර ගත හැකි වන අයුරින්ය. මෙම වීඩියෝ පාඨමාලා කිහිපය පිළීබද විස්තර වෙනම දක්වා ඇත.

තොරතුරු තාක්ෂණ ඉතා ඉක්මනින් වෙනස් වන විෂයකි. එබැවින් නව දැනුම උකහා ගැනීම හා තිබෙන දැනුම යාවත්කාලීන කර ගැනීම අත්‍යවශ්‍යමය. නමුත් සිංහල භාෂාවෙන් තොරතුරු තාක්ෂණය සම්බන්ධ දැනුම හුවමරු වන්නේ ඉතා අල්ප වශයෙනි. එබැවින් බොහො දෙනාට තොරතුරු තාක්ෂණයට පිවිසීමේ මං පෙත් වැසී ගොස් ඇති බවක් පෙනෙන්ට තිබේ. නමුත් මෙම නව ව්‍යායාමය ශ්‍රී ලංකික තොරතුරු තාක්ෂණික වෘත්තිකයන්ට මෙන්ම අධ්‍යාපනය ලබන්නා වූ තරුණ තරුණියන්ටද මහත් පිටුවහලක් වනු ඇත.

Channel 9 හි නිකුත් කර ඇති විඩියෝ පාඨමාලා කිහිපය පහත පරිදි වේ.

1. ASP.NET MVC හැදින්වීමේ පාඨමාලාව – (Introduction to ASP.NET MVC)

MVA -S-5

ඔබ සොයන්නේ ඔබගේ Web Development කුසලතාවයන් ඉහල දමාගැනීමට ක්‍රමයක්ද? ඔබ Front-end සංවර්ධකයෙක්ද ? ඔබට අවශ්‍ය දත්ත මත පදනම් වූ serve-side web යෙදුම් නිර්මාණය කිරීමටද? ඇතැම් විට ඔබ ASP.NET Web Forms පිළිබඳ දන්නා ASP.NET MVC පිළිබඳ අධ්‍යනය කිරීමට කැමැත්තක් ඇති අයෙක් විය හැකිය. එසේ නම් මේ Video පෙළ අනිවාර්යෙන්ම ඔබ වෙතටයි. ASP.NET MVC හදුන්වාදීම පිළිබඳ මේ වීඩියෝ පෙළෙන් ඔබට ASP.NET MVC භාවිතය හා එමඟින් යෙදුමක් නිර්මාණය කිරීම දක්වා වන කරුණු කාරනා පිළිබඳ ඉතා හොද අවබෝධයක් මෙන්ම ප්‍රයෝගිකව භාවිත කරන අයුරුද උගත හැකිය. එමෙන්ම HTML 5 , CSS හා JavaScript වගේම Boot Strap භාවිතාකරමින් වෙබ් අතුරු මුහුණත නිර්මාණය කරන ආකාරය පිළිබඳවද ඔබට අවබෝධයක් ලබාගත හැකිය.

2. Microsoft Azure වෙබ් අඩවි – (Microsoft Azure Fundamentals: Websites)

MVA -S-4

Microsoft Azure වෙබ් අඩවි පිළිබඳව හදාරන්න කැමතිද? Cloud Computing ගැන බිදක් හෝ දන්නේ නම් Microsoft Azure භාවිතා කරමින් නවතම Cloud තාක්ෂණික ක්‍රම භාවිතා කරන අයුරු දැනගන්න. මේ පාඩම් මාලාව ඔස්සේ Azure වෙබ් අඩවි පිළිබඳ මූලික දැනුම ඉතා සරලව විස්තර කරනු ලබයි. මේ පාඩම් මාලාව කොටස් 24 කින් සමන්විතයි.

3. Microsoft Azure මූලික දැනුම – (Microsoft Azure Fundamentals)

MVA -S-3

Microsoft Azure ගැන හදාරන්න කැමතිද? Cloud Computing ගැන බිදක් හෝ දන්නේ නම් Microsoft Azure භාවිතා කරමින් නවතම Cloud තාක්ෂණික ක්‍රම භාවිතා කරන අයුරු දැනගන්න. මේ Video පෙල ඔත්සේ Azure පිළිබඳ මූලික දැනුම ඉතා සරලව විස්තර කරනු ලබන අතර එක් එක් වීඩියෝ ඔත්සේ Azure ගිණුමක් ඇරඹීමේ සිට Organizational accounts, Azure accounts, subscriptions, Azure Active Directories, users, subscription, organizational roles, common administration tasks. යන සංකල්පයන් පිළිබඳ හදුන්වාදෙනු ලැබේ.

4. Python සමඟ පරිගණක ක්‍රමලේඛනයට පිවිසෙමු -(Introduction to Programming with Python)

MVA -S-2

ඔබ Computer Programing වලට ආධුනිකයෙක්ද? කැමතිද Programing වල ඇති විනෝදය අත්විදින්න. Computer Programming හරිම පහසුයි ! පයිතන් ප���ිගණක ක්‍රමලේඛ භාෂාව තුලින් එය තවත් පහසු කරවනු ඇති. මෙම Video පෙළ තුලින් ආධුනික ඔබට වඩාත් පහසුවෙන් පරිගණක ක්‍රමලේඛනය නැතහොත් Computer Programming ගැන වඩා පැහැදිලි අවබෝධයක් ලබා ගත හැකිය. මෙහිදී Python පරිගණක භාෂාව භාවිතයෙන්, පරිගණක භාෂා ක්‍රමලේඛනය සිදුකරන අයුරු මුල සිට ඉතා සරලව උදාහරණ ඔත්සේ යමින් පැහැදිලි කරනු ලැබේ.

මෙය විශේෂයෙන් සකස් කර ඇත්තේ පරිගණක භාෂා පිලිබද කිසිදු අවබෝධයක් හෝ අත්දැකීමක් නොමැති ඕනෑම අයෙක් සඳහායි.

මෙහිදී සිදුකරන ප්‍රයෝගික ක්‍රියාකාරකම් අ ත්හදා බැලීම සඳහා සඳහා ඔබ සතුව Visual Studio Community Edition එක හෝ ඕනෑම Visual Studio (2013 හෝ ඊට වැඩි) වෙලුමක් හා Python Tools for Visual Studio ස්ථාපනක කර තිබිය යුතුයි.

5. Microsoft SQL Server Database සංවර්ධනය කිරිමේ පාඨමාලාව -(Developing Microsoft SQL Server Databases)

MVA -S-1

ඔබ SQL Server 2014 දී Databases ක්‍රියාත්මක කරන ආකාරය ඉගෙන ගැනීමට කැමතිද? Microsoft SQL Server Databases සංවර්ධන���: හෝ ඔබ Microsoft සහතික විභාග 70-464 සඳහා පාඩම් කරන්නේ? එසේනම් මෙම පාඨමාලාව උදව් විය හැක. විශේෂඥයන් ඔබේ වගු (Tables), සුචි (Indexes), Stored Procedures සහ වෙනත් Database Objects හි දැනුම තවත් වර්ධනය කරනු ඇත. සුචි (Indexes) නිර්මාණය, ගනුදෙනු (Transactions) කළමනාකරණය, Performance සහ Concurrency භාවිතයේ උපරිම ප්‍රතිලාභ සඳහා තාක්ෂණික ක්‍රම මෙහිදී ඉගෙන ගත හැක. එලෙසෙ ම troubleshooting සහ best practices සදහා ඉඟි (tips) ලබා ගත හැක.

 

Leave a Reply